Maiatzaren 11n Ibaien Nazioarteko Eguna da, eta hori aitzaki hartuta, ibilaldia antolatu du ostiralerako Herrio natur taldeak. Altxerri errekan gora egingo dute ibilaldia. Herriko plazatik abiatuko dira –17:00etan jarri dute hitzordua–, eta Agorregiraino joango dira.
Herrio natur taldeak azaldu duenez, ibilaldian zehar geldialdiak egingo dituzte eta "ibaien ekosistemaren inguruko azalpenak" emango dizkiete ibiltariei. Adin guztietako herritarrei zuzendutako plana izango da, "arratsalde pasa ederra" egiteko. Dena dela, haur txikiak dituztenei, 17:30ean Errotara joateko gomendioa egin diete, ibilaldia errazago egin dezaten.