Talai Mendikoek egunpasa polita egin dute joan den asteburuan. Gorbeian izan dira, egun osoko txangoan, eta ia hogeita hamar lagun ibili dira mendian, eguraldia ona lagun. Gainera, 100 urte, 100 tontor egitasmoaren barruko txangoa izan da, eta bertan parte hartu nahi izan dute oriotarrek ere.
75 urte bete ditu aurten Orioko mendi elkarteak, eta ospakizunak urte osoan zehar egingo dituzte. Hurrengo hitzordu garrantzitsa hilaren 18koa izango da, Talai Mendi Trail mendi lasterketa egingo dutelako, 17:00etan hasita. Eta bi egun geroago, maiatzaren 20an, hasiko da Kukuarri Astea.