Aldaketa txiki bat egin dute Altxa Burua Oriok gurasoentzat antolatutako formakuntza saioetan. Izan ere, trukatu egin dituzte gaurko eta asteleheneko saioak, eta hala, gaur Sare sozialen arriskuak eta erabilera izeneko solasaldia eskainiko dute, eta astelehenean, berriz, Osasun mentalean barrena izenekoa.
Gaurko hitzordua Kultur Etxean izango da, eta astelehenekoa, berriz, Orioko Herri Ikastolako areto nagusian.
Oraindik izena eman ez baina formazio saioetan parte hartzeko interesa duenak horretarako aukera duela jakinarazi dute antolatzaileek, ez baita derrigorrezkoa lau saioetan parte hartzea. Izena hemen eman daiteke, eta formakuntza saioei buruzko informazio gehiago, berriz, hemen lor daiteke.
